ರಾಗ: ಮಧ್ಯಮಾವತಿ ತಾಳ: ಏಕ
ಕರ್ತಾ ಕೃಷ್ಣಯ್ಯ ನೀ ಬಾರಯ್ಯ | ಎ-
ನ್ನಾರ್ತಧ್ವನಿಗೊಲಿದು ನೀ ಬಾರಯ್ಯ || ಪ ||
ಸುಗುಣದ ಖಣಿಯೇ ನೀ ಬಾರಯ್ಯ ಎ-
ಮ್ಮಘವನೋಡಿಸಲು ನೀ ಬಾರಯ್ಯ
ಧಗೆಯೇರಿತು ತಾಪ ನೀ ಬಾರಯ್ಯ ಸದಾ
ಮುಗುಳ್ನಗೆಯ ಮಳೆಗರೆಯ ನೀ ಬಾರಯ್ಯ || ೧ ||
ವೈರಿವರ್ಗದಿ ನೊಂದೆ ನೀ ಬಾರಯ್ಯ | ಮ
ತ್ತ್ಯಾರು ಗೆಳೆಯರಿಲ್ಲ ನೀ ಬಾರಯ್ಯ
ಸೇರಿದೆ ನಿನ್ನಯ ಕರುಣೆಗೆ ಬಾರಯ್ಯ ಒಳ್ಳೇ
ದಾರಿಯ ತೋರಲು ನೀ ಬಾರಯ್ಯ || ೨ ||
ವೈರಾಗ್ಯಭಾಗ್ಯವ ಕೊಡುಬಾರಯ್ಯ | ನಾನಾ
ರೋಗದ ಭೇಷಜ ನೀ ಬಾರಯ್ಯ
ಜಾರುತದಾಯು ಬೇಗ ಬಾರಯ್ಯ | ಉ
ದಾರ ಪ್ರಸನ್ವೇಂಕಟ ನೀ ಬಾರಯ್ಯ || ೩ ||
ಸ್ತೋತ್ರ ಸಂಗ್ರಹ 